АНУ-ын “Forbes” сэтгүүлээс дэлхийн үнэтэй буюу ном нь хамгийн ихээр борлогддог зохиолчдын жагсаалтыг гаргажээ. Энэхүү жагсаалтыг Э.Л.Джеймс нэрээр зохиолоо бичдэг, Их Британийн зохиолч Эрика Леонард тэргүүлсэн байна.

Түүний зохиосон “Саарал өнгөний 50 тусгал” ном нь түүнд өнгөрсөн жил худалдаанд гарсан цагаасаа эхлэн нийт 95 сая ам.долларын ашиг авчирчээ. Орлогынхоо таван сая ам.долларыг зохиолоо дүрсжүүлэх гэрээнд гарын үсэг зурснаар олсон бөгөөд 2014 онд дэлгэцээр гаргахаар төлөвлөсөн аж.

Өнгөрсөн жилийн жагсаалтыг тэргүүлж байсан Джеймс Паттерсон энэ удаа 91 сая ам.долларын ашигтайгаар жагсаалтын хоёрдугаарт орсон бол “Өлсгөлөн тулаан” зохиолын эзэн Сьюзан Коллинс гуравт жагсчээ. Харин та бидний сайн мэдэх алдарт “Харри Поттер” цуврал зохиолын Джоан Роулинг эхний шилдэг аравт багтаж чадаагүй байна.

Б.Буд