ИНЕГ-ын дэргэдэх Цагдаагийн хэлтсээс Хилийн мэргэжлийн хяналтын албаны улсын байцаагч нарт онц их хэмжээний үнэт эдлэл улсын хилээр нэвтрүүлэхийг завдсан гэх үндэслэлээр эрүүгийн хэрэг үүсгэжээ.

Тодруулбал, Хилийн мэргэжлийн хяналтын албаны улсын байцаагч Ц-нь улсын хилээр 400 орчим сая төгрөгийн монетон эдлэл гаалийн хяналтын гадуур нэвтрүүлэхийг завджээ. Тэрээр Сөүл-Улаанбаатар чиглэлийн ОМ-302 онгоц “Чингис хаан” нисэх буудалд газардахад МУ-ын иргэн О-гийн барааг зорчигчийн хяналтын камераас гадуур гаргасан байна. Уг хэргийг үргэлжлүүлэн шалгаж байна.