МОХ-оос санаачлан их, дээд сургуулийн оюутнууд суралцаж байх хугацаандаа цэргийн алба хаадаг болох тухай “Оюутан цэрэг” хөтөлбөрийг Ерөнхийлөгчид санал болгож, өнгөрсөн зургадугаар сард Засгийн газар баталсан.

Тус хөтөлбөрийг хэрэгжүүлэх ажлын хэсэг өнгөрсөн сард байгуулагдсан бөгөөд хөтөлбөрийг ирэх оны хавраас эхлэн хэрэгжүүлэх юм байна.

 Уг хөтөлбөрөөр их, дээд сургуульд сурч буй оюутнууд зуны амралтаараа цэргийн алба хааснаар цэргийн үүрэгтний үнэмлэх авах боломжтой. Тэд гурван жилийн турш дөрвөн сараар алба хаахад нэг жилийн хугацаанд цэргийн алба хаасантай тэнцэх юм. “Оюутан цэрэг” хөтөлбөрийг оюутнууд төдийгүй эцэг эхчүүд дэмжиж байгаа юм.

Б.Буд