Хамгийн хурдан гүйгч Усэйн Болт Бразильд болох 2016 оны олимпийн дараа зодог тайлах бодолтой байна гэжээ. Тэрбээр Риод алтан медаль авч 200 метрт дэлхийн шинэ дээд тогтоож,  Шотландын Глазгод  2014 онд болох Хамтын нийгэмлэгийн орнуудын тэмцээнд түрүүлснийхээ дараа карьераа үргэлжлүүлэх эсэхээ шийднэ гэсэн байна.

Усэйн Болт маргааш Брюсселийн тэмцээнд  100 метрт гүйнэ. Тэрбээр Москвад болсон хөнгөн атлетикийн тэмцээнээс медалийнхаа цуглуулгыг гурваар  нэмсэн билээ.

Болт олимпийн зургаа, дэлхийн найман алтан медальтай. 2009 онд Берлинд 100 метрт 9,58 секунд, 200 метрт 19,19 секунд, 4*100 метрийн буухиад (Лондон 2012)  Ямайкийн баг тамирчдын хамт 36,84 секундын амжилт үзүүлж рекорд тогтоосон юм. Үүнээс гадна гурван төрлийн зайд нэг олимпт (Бээжин 2008) дээд амжилт эвдсэн. Анх удаа хоёр олимп дараалан 100, 200 метрт түрүүлсэн. Тэрбээр 2009,2009,2012 онд дэлхийн хөнгөн атлетикийн шилдэг тамирчин болж байв.

Д.Од