Төв аймгийн Сэргэлэн сумын нутаг, Өгөөмөрийн ам, Зүрх уулын энгэрт бүтээн босгож буй дэлхийн хамгийн өндөр Майдар бурхан, суварган байгууламжийн барилгын ажлын явцтай Дээрхийн Гэгээнтэн 14-р Далай ламын Чойжин Түвдэн Готов өнгөрөгч бямба гаригт танилцлаа. Их Майдар төслийг 14-р Далай ламын зүгээс ихэд сайшаан дэмжиж байгаа гэнэ. Чойжин Түвдэн Готов ламын хувьд 1958 онд Төвдөд мэндэлж, эцэг эхийн хамт Энэтхэгт дүрвэн гарсан аж. 1971 онд Нейчүн хийдэд шавилан сууж, 1987 онд өмнөх дүрийн Нейчүн Чойжин ламын залгамжлагчаар тодорч, 1988 онд Төвдийн “Улсын Чойжин лам”-аар албан ёсоор өргөмжлөгджээ.

6

Тэрбээр энэ үеэр Их Майдар төслийн ажилд зориулан ном хурж, тэнд ажиллагсадад адис хүртээсэн бөгөөд үүний дараа төслийн ажлын явцтай танилцсан юм.

6

54 метр өндөр Майдар бурхан нь 372 жинтэй бөгөөд одоогоор уг бурханыг байрлуулах суурийн ажил буюу 2х2 метрийн хэмжээтэй долоон баганыг цутгах, ган хийц угсралтын ажил хийгдэж байгаа аж. Төслийн баг 2012 оноос  бурханыг байрлуулах суурийн ажлыг эхлүүлсэн бөгөөд нийт 3000 м3 бетон, 700 тн ган төмөр хийц, 600 тн арматур зэргийг угсрах юм байна. Уг ажлыг монголын компаниуд хамтран бүтээж байгаа ба барилгын зураг төслийг Английн “Тони Жи энд Партнерс” компани боловсруулжээ.

6

Төслийн хүрээнд энэ онд бурханы зарим угсралтыг хийж гүйцэтгэх бөгөөд онд бүрэн бүтээж дуусгах аж. Харин  2015 онд Майдар бурханы чанх ард байрлах 108 өндөр суварган байгууламжийг ашиглалтад оруулах төлөвлөгөөтэй ажиллаж байгаа гэнэ.

6

Энэхүү төсөл хэрэгжсэнээр монгол түмний оюуны дархлааг бэхжүүлэх, түүх ёоёлын үнэт өвийг түгээн дэлгэрүүлэх, бурханы шашны сургаалийг шинжлэх ухааны  үүднээс  судлах, уран барилгын гайхамшигт бүтээлийг сэргээн босгох түүхэн үйл явдал болох аж.

7

Түүнчлэн энэхүү хөшөөт цогцолборын орчимд шинэ сууршилын бүс байгуулж, аялал жуулчлалын томоохон төв болгох зорилготой хэмээн төслийн багийнхан танилцууллаа.

П.Наран