Америкийн хөрөнгийн бирж, үнэт цаасны комисст “Twitter”  компани  хувьцаа гаргах хүсэлтэй байгаагаа мэдэгдэн баримт бүрдүүлж өгсөн байна. “Ройтер” агентлагт мэдээлэл өгсөн эх сурвалж Goldman Sachs тус компанийн хөрөнгийн бирж дээр хувьцаагаа  гаргахад батлан даана гэжээ.

Мэргэжилтнүүд “Twitter”  компанийг 10 тэрбум гаруй ам.доллараар үнэлж байгаа аж. eMarketer зөвлөгөө өгөх фирмийн судалгаагаар жиргээний компанийн энэ жилийн орлого  583 сая ам.доллар хүрэх бололтой.

Twitter сайт  2006 оны гуравдугаар сард интернэтэд бий болсноос хойш 170 сая жиргээ цацагджээ. Өнөөдөр жиргээнд 500 гаруй сая хүн санаа бодлоо солилцож байна.

Д.Од