Өнгөрөгч амралтын өд­рүүдэд орсон усархаг бороо АНУ-ын Калифорни мужийн эрэг ха­вьд хөрсний гулгалт үүсэ­хэд хүргэжээ. Лос-Анже­ле­саас Сан-Педро хот руу хүр­дэг зам Номхон далай руу гул­ган орсон байна. Үүнээс болж эрэг хавиар 180 ам дөр­вөлжин метр бүхий нүх бий болжээ. Хөрс Номхон далай руу гулган орж байх мөчид зас­мал зам дээр зогсч байсан нэгэн  хүн ямар ч чимээ шуу­гиангүйгээр хөрс гулгаж бай­гааг харжээ. Тэрээр гар ут­саараа зураг авах гэж байх хооронд зас­малын нэг хэсэг аль хэдийнээ далай руу гул­ган алга болсон байна. Калифорнийн эрэг ха­вийн хөрс өнгөрсөн зунаас хойш нүүж эхэлсэн бөгөөд үүнээс үүдэн замын бетон тулгуур эвдэрч эхлээд байгаа юм. Харин зам дээр 6-8 метр  нүх энд тэндгүй гарч ирсэн та­лаар "Los Angeles Times" сонинд бичжээ. Азаар хэн ч гэмтэж бэр­тээгүй бөгөөд энэ хэсэгт орон сууц болон үйлдвэрийн ба­рилга байдаггүй учир аюул багатай гэж мужийн засаг захиргаа­ныхан мэдэгдээд байна. Хохирол хэдэн сая ам.доллараар хэм­жигдэхийг тооцоолоогүй байгаа ч  да­хиад шинэ зам тавихад нэ­лээд их хэм­жээний мөнгө орно гэдэг нь тодорхой бо­лоод байгаа юм. Одоогийн байд­лаар аюул­тай хэсгийг замын цагдаагийнхан хам­гаа­лал­­тдаа аваад байна.