.

Иймээс бид дундаж цалингийн талаар ҮСХ-ны Хүн ам, нийгмийн статистикийн газрын орлогч дарга Б.Саранчимэгээс тодрууллаа.

.

-ҮСХ-оос гаргасан энэ удаагийн мэдээлэлд улсын цалингийн дунджийг танилцуулсан байсан. Энэ талаараа тодруулаач?

-Энэ удаагийн мэдээлэлд ажиллагсдын дундаж цалин 2013 оны 2 дугаар улирлын байдлаар 100 хүртэлх ажилчинтай аж ахуйн нэгж, байгууллагын дундаж цалин 631.7 мянган төгрөг байна. Үүнд эрэгтэй ажилчдых 654.1 мянга, эмэгтэй нь 609.7 мянган төгрөг байна. Харин 100 ба түүнээс дээш ажилчинтай аж ахуйн нэгж, байгууллагын дундаж цалин 826.2 мянган төгрөг болсон үзүүлэлттэй гарсан. Үүнээс хүйсийн хувьд ангилбал эрэгтэй ажилчдынх 955.8 мянга, эмэгтэй ажилчдынх 716 мянган төгрөг байна.

.

-МҮЭХ танайхаас гаргасан цалингийн дунджийг буруу гэж үзэж байсан?

-Бид энэ мэдээллээ эдийн засгийн үйл ажиллагааны салбаруудаар, ажил мэргэжлээр, байгууллагын хариуцлагын хэлбэрээр, аймаг, нийслэлээр гээд боломжтой бүх задаргаагаар гаргаж байгаа. Жишээлбэл уул уурхай, олборлох салбарт ажиллагчдын сарын дундаж цалин хамгийн өндөр 1 сая 486 мянга байгаа бол хөдөө аж ахуйн салбарт ажиллагчдын цалин 308 мянган төгрөг байна.  Байгууллагын хариуцлагын хэлбэрээр авч үзвэл, хувьцаат компанид ажиллагсдын дундаж цалин 902.5 мянган төгрөг байгаа бол хоршоонд ажиллагсдын цалин хамгийн бага нь 168.5 мянган төгрөг байгаа юм.  Эндээс харахад ажиллагсдын сарын дундаж цалин ажилладаг салбар, байгууллагын төрөл, ажил мэргэжлээрээ маш их ялгаатай байгаа юм.

.

А.Жаргал