Өнгөрсөн сарын эхээр төмөр замын гарам дээр камаз машин галт тэрэгтэй мөргөлдөж, томоохон хэмжээний хохирол учирсан билээ. Учир нь осол гарамыг цагаас нь өмнө нээснээс болж гарсан юм. Төмөр замын гармыг “Эсто” компанийн ажилтан хариуцаж байсан бөгөөд ийнхүү гарамыг эрт нээсэн учир хохирлыг тус компани хариуцахаар болсон.

Ийнхүү тус компанийн зүгээс галт тэрэгний үйл ажиллагааг хэвийн болгох үүднээс замын гэмтлийг засварлахад зарцуулагдсан 150 сая гаруй төгрөгийг төлсөн байна. Улаанбаатар төмөр замын зүгээс урьдчилсан байдлаар хохирлын нийт хэмжээг 2.8 тэрбум төгрөг хэмээн гаргаад байгаа аж.