Монгол Улс, БНХАУ-ын Зэвсэгт хүчний цэргийн багуудын “Талын Манлайлагч” хамтарсан сургалт, дадлага өнөөдрөөс эхлэх гэж байна. Энэ сарын 23-ныг хүртэл үргэлжлэх уг дадлага сургуулилт  Зэвсэгт хүчний сургалтын нэгдсэн төвд болох юм. Тус сургалт “Гамшгийн бүс дэхь хойшлуулашгүй авран хамгаалах, сэргээн босгох ажиллагаанд дэмжлэг үзүүлэх нь" сэдвийн дор зохион байгуулагдах аж. Гамшиг ослын үед хоёр орны Зэвсэгт хүчний анги, салбарууд авран туслах ажиллагаа явуулах чиглэлээр харилцан туршлага солилцоход тус сургуулийн зорилго оршиж байгаа юм. Сургуульд нийт хоёр орны 400 гаруй цэргийн алба хаагчид оролцох бөгөөд БНХАУ-ын бие бүрэлдэхүүний эхний ээлж өчигдөр Улаанбаатарт хотноо хүрэлцэн иржээ. Д.Цэцэг