Унгарын нийслэл Будапешт хотноо чөлөөт бөхийн насанд хүрэгчдийн эрэгтэй 43 дахь, эмэгтэй 24 дэх дэлхийн аварга шалгаруулах тэмцээн өнөөдөр эхэлнэ. Уг тэмцээнд манай улсаас Хөдөлмөрийн баатар, Гавьяат тамирчин, МЧБХ-ны ерөнхийлөгч Д.Дагвадорж, МЧБХ-ны ерөнхий менежер Д.Батням, МЧБХ-ны дэд ерөнхийлөгч С.Мөнхсүх нараар удирдуулсан 14 тамирчин оролцож байна. Тэднээс өнөөдөр 55 кг-д Э.Бэхбаяр, 66-д Г.Мандахнаран, 96 кг-д Д.Хүдэрбулга нар Будапештийн дэвжээнд гарч зодоглоно.