Олон нийтэд санхүүгийн тайлан, хувь нийлүүлэгчдийн хурал зэрэг компанийн үйл ажиллагааны талаар тогтмол мэдээлэл хүргэж байх үүргийг үнэт цаасны зах зээлд оролцогчид хуулиар хүлээсэн байдаг. Энэ үүргийн дагуу Монголын хөрөнгийн бирж  бүртгэлтэй ХК-уудынхаа санхүүгийн тайланг “Excel” хэлбэрээр нийтлэдэг болжээ.

.

Энэ сарын 13-ны өдрийн байдлаар 182 ХК өнгөрсөн оны жилийн эцсийн санхүүгийн тайлангаа ирүүлсэн бол 48 ХК 2013 оны хагас жилийн тайлангаа Монголын хөрөнгийн биржид ирүүлж,  цахим хуудсаар олон нийтэд мэдээлсэн байна.

.

Монголын хөрөнгийн биржид бүртгэлтэй ХК-иудын санхүүгийн тайланг “Excel” хэлбэрээр татаж авдаг болсонтой холбогдуулан цаашдаа ч тайлангаа ирүүлээгүй ХК-уудыг “ Нягтлан бодох бүртгэлийн тухай хууль”, Монголын хөрөнгийн биржийн “Бүртгэлийн журам”-ын дагуу ХК-иуд заасан хугацаанд санхүүгийн тайлангаа ирүүлэхийг  Монголын Хөрөнгийн биржээс мэдэгджээ.

А.Жаргал