Умард Солонгосын өндөр албан тушаалтны охин Өмнөд Солонгос руу зугтжээ. Түүнийг зугтахад Өмнөдийн хүний эрхийн төлөө тэмцэгчид тусалсан аж. Тэрбээр одоо Өмнөд Солонгост  саатуулагдан мэдүүлэг өгч байгаа гэнэ.

Өмнөдийн идэвхтэн Хан нэртэй 19 настай бүсгүй, Умард Солонгосын Үндэсний аюулгүй байдлын сайдын охин гэж хэлсэн байна. Хан Бээжинд сурч байхдаа Өмнөд Солонгос руу зугтан Сөүлээр дамжин гурав дахь орон руу гарахаар төлөвлөжээ.

Хоёр Солонгосын иргэд талуудын байгуулсан гэрээнээс золиос болох нь олонтаа тохиолддог аж. Гэрээнд зааснаар зугтагсдыг эргүүлэн нутагт нь буцаахыг заасан байдаг тул гурав дахь улс руу гарахыг эрмэлздэг байна.

Д.Од