Далд уурхайд хөрөнгө оруулалт хийгдвэл долларын ханш буурна
Эдийн засагт хэр хэмжээний капитал бий болж байгаагаас урт хугацааны эдийн засгийн өсөлт хамаардаг. Иймээс гадаадын хөрөнгө оруулалтыг зайлшгүй татах эрхзүйн орчныг хангаж өгөх шаардлагатай. Ялангуяа уул уурхай салбар манай эдийн засгийн тэргүүлэх салбар болсон. Бараг 100 хувь уул уурхайгаас хамааралтай байгаа өнөө үед төрөөс хатуурхах эдийн засгийг улам хүндрүүлнэ.
.
Оюутолгойн далд уурхайн хөрөнгө оруулалт зөв тийшээ хандвал валютын ханшид эерэгээр нөлөөлөх магадлалтай. Ам.долларын нийлүүлэлт нэмэгдэх хүлээлт үүссэнээр ханшийн хөөрөгдлийн бууруулах талтай гэдгийг эдийн засагчид хэлж байна.
.
“Рио Тинто” компани Оюутолгойн далд уурхайд хөрөнгө оруулалт хийлээ гэхэд хөрөнгийн нэлээд нь импортын худалдан авалтад зориулагдана. Өөрөөр хэлбэл далд уурхайд шаардлагатай тоног төхөөрөмж болж ирнэ гэсэн үг юм. Далд уурхайн бүтээн байгуулалт эрчимжих үеэс валютын дотогшоо чиглэсэн урсгал нэмэгдэх болно. Түүнээс наана ханшны хүлээлтэд нөлөөлөхөөс өөр бодитой үр дүн гарахгүй. Манайхаас ажиллах хүч авч, ханган нийлүүлэлт, туслан гүйцэтгэгч үүргийн дагуу оролцох үед л ам.долларын нийлүүлэлт өснө. Үүнд зориулж хэр хэмжээний ам.долларын зардал гаргах нь валютын ханшид нөлөөлөх нөлөөллийг тодорхойлох юм.
Ц.Золзаяа
СЭТГЭГДЭЛ БИЧИХ