“Penthouse”  сэтгүүл болон насанд хүрэгчдэд зориулсан олон сайт эрхэлдэг Америкийн FriendFinder Networks Inc компани дампуурах өргөдлөө өгчээ. Компанийн өр тэрбум долларт хүрснээс зөвхөн “ Penthouse” –ынх 10,3 саяд хүрчээ.

Компанийн 2013 оны санхүүгийн жил зургадугаар сарын 30-нд дууссан аж. Тус компани 2008 оноос ашиггүй ажиллаж байсан гэнэ.

Penthouse –эрчүүдэд зориулсан сэтгүүл нь дэлхийн олон хэл дээр хэвлэгддэг. Америкт тус сэтгүүлийг порно ангилалд оруулдаг.  1965 онд Боб Гүччион үүсгэн байгуулсан. Дөрвөн жилийн дараа Playboy сэтгүүлийн хүчтэй өрсөлдөгч болж чадсан. Гүччион интернэтийн олон арван сайттай өрсөлдөх чадваргүйгээ хүлээн зөвшөөрч  сэтгүүлээ худалдсан. Өөрөө 2010 онд 79 настай нас баржээ.

Д.Од