Германы канцлерийг сонгуулийн өмнөх компанит ажлын хүрээнд өчигдөр иргэд, сонгогчидтойгоо уулзаж, үг хэлж байх үеэр энэхүү хэрэг болжээ. Тэнд цугласан иргэдийн дундаас гэнэт нисгэгчгүй төхөөрөмж агаарт хөөрч ниссээр хэсэг хугацааны дараа канцлерийн дэргэд шахам очоод газарт унасан байна. Тодруулахад, уг нисгэгчгүй төхөөрөмжинд камер суурилуулсан байсан бөгөөд эзэн нь 23 настай сэтгүүлч байсан гэнэ.

Тэрбээр арга хэмжээний үеэр гайгүй зураг авахаар аппарат хөөргөсөн хэмээн цагдаагийнханд тайлбарласан байна. Гэхдээ хэсэг хугацааны дараа цагдаа нар түүнээс дахин ийм “халдлагын шинж чанартай” зүйл хийхгүй гэсэн ам аваад суллаж явуулсан гэнэ.

Хэдийгээр болж буй үйл явдал түгшүүр төрүүлж байсан ч Ангела Меркель иргэдийн өмнө тайван байдлаа хадгалан, инээмсэглэн зогсч байжээ. Ангела Меркель ийм үйлдэл дахин гаргахгүй байхыг сануулж, харуул хамгаалалтаа сайжруулсан гэж “CNN” агентлаг мэдээллээ.

Б.Дэлгэрцэцэг