Ираны ерөнхийлөгч Хассан Рохани дахиад цөмийн зэвсгийн үйлдвэрлэл явуулахгүй хэмээн мэдэгдлээ. Түүнчлэн ноён Рохани АНУ-ын NBC телевизэд “Барууныхантай Тегераны маргааны гол бай болоод байгаа уран баяжуулалтын хөтөлбөрийн талаар хэлэлцэх бүрэн эрх мэдэл өөрт нь байгаа” хэмээн хэлсэн байна.

Мөн тэрбээр өөрт нь АНУ-ын ерөнхийлөгч Барак Обамагаас ирсэн захидал байгаа гэж мэдэгдсэн юм. Түүнчлэн улс төрийн 11 хоригдлыг сулласандаа харамсахгүй байгаа гэдгээ ярилцлагынхаа үеэр хэлжээ. Энэхүү 11 хоригдол дотор хүний эрхийн нэрт хуульч Насрин Сотоудех багтаж байгаа аж. Тэдгээр хоригдлуудын найм нь эмэгтэй, гурав нь эрэгтэй. Тэдний дотор реформист улстөрч Мохсен Аминзадех хүртэл багтаж байгаа гэжээ.

Б.Дэлгэрцэцэг