Синьхуа агентлагийн мэдээлснээр Атлантын далайн хүчтэй хар салхины нөлөөгөөр Мексикт 80 хүн амь эрсдэж, нэг сая гаруй хүн гамшигт өртөж, 35 мянган байшин барилга нуржээ. Мексикийн 155 хотод онц байдал зарлаж, Засгийн газраас 9500 цагдаа, 3300 хуурай замын цэрэг, 1700 тэнгисийн цэргийг арвах ажилд оролцуулж эхэлсэн байна.

АНУ-ын геологийн судалгааны төвөөс Мексикийн буланг Ингрид хэмээх хар салхи ниргэж, Номхон далайн эргийн бүс нутгаар Мануэл далайн шуурга дэгдэж нэлээдгүй аюултай нөхцөлд байгаа гэнэ.

Хар салхины гамшигт Веракус, Герреро, Пуэбла, Гидальго, Мичоакан, Оаксака зэрэг муж амьдрах ямар ч боломжгүй болтлоо сүйдсэн гэдгийг Мексикийн байгаль орчны дэд сайд Ханур Таеж мэдэгджээ.

Эдгээрээс Номхон далайг түшиглэсэн амралтын газраараа алдартай Мексикийн Акапулько хотод далайн шуурганы улмаас 21 хүн амь үрэгдэж, барилга, гүүрүүд нурж, автозамууд эвдэрч, гол мөрнүүд эргээ халин үерлээд байгаа гэнэ. Мөн олон тооны онгоцны нислэг цуцлагдаж, хурдны бүх автозамуудыг хаажээ. Веракрус мужид аялагчид автобустайгаа хөрсний нурангид даруулснаас болж өчигдөр 10 гаруй хүн амь үрэгдэж, 23 мянган иргэнийг нүүлгэн шилжүүлсэн байна.

Б.Дэлгэрцэцэг