Өнчин хүнийг битгий өнчин гэж дуудаарай
Өөрөө тэр чинь сэтгэлдээ өвлийн жиндүүг тээж яваа
Өвгөд хөгшдийг харин амар мэндийн асууж байгаарай
Өчүүхэн юманд баярладаг азай буурлууд шүү дээ
Архинд орсон нэгнийгээ адалж битгий шоолоорой
Аархуу сайхан явсан цаг тэр хүнд бас байж л байгаа
Алаг хөөрхөн үрсийг харин дээр өргөж үнсэж байгаарай
Амилсан том шүтээн бүжинлхам бурхан баярлаг
Гундуу явсан нэгнийгээ гутааж битгий доромжлоорой
Гайхуулж явсан цаг тэдэнд бас байж л байгаа
Дэндүү сайхан нутгаа дээдлэн биширч яваарай
Дэлхйид чамайг өлгийдсөн халуун дулаан манцуй чинь шүү
Насыг минь битгий асуу намайг хүндэл
Намбанаас минь олоод унш өөртөө тунгаа
Эрхэм сайхан алдрыг минь бүтнээр нь дуудаарай
Ээжийн минь шивнэсэн ариун сайхан тарни бий шүү

Ж.Сурмаа