АНУ-ын Засгийн газар хүний наймааг багасгахын тулд хийгдэж байгаа үйл ажиллагаа, хүчин чармайлтаар нь дэлхийн улсуудыг жагсаасан тайланг гаргаж танилцуулсан байна. Энэ тайланд Хятад болон ОХУ-ыг хамгийн доод эгнээнд оруулан, дэлхийн хамгийн их гэмт хэрэгтэнтэй 21 улсын эгнээнд Иран Хойд Солонгос, Узбекстан зэрэг улстай зэрэгцүүлэн жагсаасанд тус хоёр улс тун тааламжгүй хандсан байна.

ОХУ-ын зүгээс улсуудыг жагсаахдаа АНУ-тай хэр нөхөрсөг харилцаатай байдгаар нь тодорхойлжээ хэмээн дургуйцлээ илэрхийлсэн бол Хятад улс АНУ-ыг асуудалд шударга хандахыг хүссэн байна. Үүний хариуд АНУ уг хоёр орныг энэ хууль бус үйл ажиллагааг багасгахын тулд шийдвэртэй үйл ажиллагаа явуулахгүй байгаа бөгөөд ОХУ-ын тухайд хэрэгжүүлж буй арга хэмжээнүүд нь зохион байгуулалтгүй, харин БНХАУ-д хүнийг албадлагаар ажил хийлгүүлэх болон бэлгийн мөлжлөг болгох явдал хурдацтай өссөн гэдгийг сануулсан байна.

Б.Дэлгэрцэцэг