“Apple” компанийг үндэслэн байгуулагч Стив Жобсын гэр музей  болох гэнэ. Тэрээр долоон настайдаа энэ байшинд ирж анхны компьютерээ ч энд угсарчээ. Ийнхүү Крайст Драйвын гудамжны 2066 тоот байшин  төрийн хамгаалалтад орох  болсон аж. Чухам энэ байшинд Жобс найз Стив Вознякийн хамт “Хазсан алим”-ын анхны компьютерийг угсарсан юм. Жобс сонирхогчдын клубт анхны компьютерээ танилцуулж электрон барааны дэлгүүрийн эзэн анхны захиалгыг нь өгсөн байна. Хоёр найз “Apple 1” 50 ширхгийг ийнхүү  захиалгаар хийжээ. Харин одоо “Apple”-ийн анхны компьютерийг хэн нэгэн азтан хадгалж чадсан бол асар өндөр үнэ хүрэх боломжтой гэнэ.

Удахгүй музей болох байшин 1952 онд баригдсан аж. Унтлагын гурав, ванны хоёр өрөөтэй. Хагас сая ам.доллараар үнэлэгдэж байгаа. Лос-Альтосын оршин суугчдын нэг бахархал нь болоод байгаа аж.

Д.Од