УИХ-ын гишүүн Н.Номтойбаяр Сүхбаатар дүүргийн цагдаагийн хэлтэст хүн хутгалж, эрүүгийн хэрэгт сэжигтнээр татагдаж шалгагдаж байгаа билээ. Энэ асуудалтай холбоотой өнөөдөр  ЦЕГ-аас мэдээлэл хийж, УИХ-ын гишүүн Н.Номтойбаярт эрүүгийн хэрэг үүсгэсэнийг баталсан. Харин түүний өмгөөлөгч Н.Мандах Н.Номтойбаяр гишүүн хүн гэмтээгээгүй, цагдаа нар худлаа мэдээлэл тараасан хэмээн мэдээлсэн билээ.

Тэгвэл Н.Номтойбаярт холбогдох уг хэрэгт “Шинэ дэлхий” телевизийн захирал Э.Энх-Эрдэнэ мөн орооцолджээ. Түүний ойрын эх сурвалжийн мэдээлж буйгаар “Шинэ дэлхий” телевизийн захирал Э.Энх-Эрдэнэ баруун гуяндаа хүнд гэмтэл авсан гэнэ. Тэрбээр ойрын хэдэн өдөр өвчтэй гэх шалгаанаар ажилдаа ирээгүй гэнэ. Гэвч  өнөөдөр болсон УИХ-ын гишүүн Н.Номтойбаяр өмгөөлөгч Н.Мандахыг мэдээлэл хийх болсонтой холбогдуулан ажилдаа ирсэн байна. Яаж яваад гэмтэл авсныг Э.Энх-Эрдэнээс тодруулах гэсэн боловч “Мэдээлэл өгөх боломжгүй” хэмээсэн юм.

Уг нь Н.Номтойбаяр мэдэгдэхдээ “Надруу н.Нямдорж гэдэг хүн хутга барьж дайсан. Миний өмнүүр“Шинэ дэлхий” телевизийн захирал найз маань орсон” хэмээн хэвлэлээр яриад байгаа. Гэвч цагдаад гомдол гаргасан хүн нь 36 настай Баттулга гэгч болохыг албаны эх сурвалж мэдэгдсэн. Мөн н.Нямдорж гэдэг хүний нэр энэ хэрэгт холбогдолгүй” хэмээсэн юм.

Ямартаа ч, хүнд гэмтэл авсан “Шинэ дэлхий” телевизийн захирал Э.Энх-Эрдэнэ өнөөг хүртэл дуугүй байгаа нь гайхшрал төрүүлж байна.