УИХ-ын  дарга З.Энхболд Солонгос Улсын Үндэсний Ассамблейн дарга эрхэмсэг ноён Кан Чан Хийг Чингис хааны талбайд угтан авлаа. Дараагаар нь  Их эзэн хааны хөшөөнд хамтдаа хүндэтгэл үзүүлэв.  Хүндэт зочин Төрийн ордны Баганат танхимд хүндэтгэлийн дэвтэрт гарын үсэг зурлаа.

Одоо хоёр орны парламентын тэргүүн нар албан ёсны уулзалт хийнэ. Мөн Монгол Улсын Ерөнхий сайд Н.Алтанхуяг хүндэт зочинд бараалхана.

УИХ-ын дарга З.Энхболдын урилгаар Бүгд Найрамдах Солонгос Улсын Үндэсний Ассамблейн дарга эрхэмсэг ноён Кан Чан Хий манай улсад албан ёсны айлчлал үргэлжилж байна.

Н.Энх