Хэвлэл мэдээллийн удирдах ажилтнуудын үндэсний хоёрдугаар чуулган ирэх сарын 4-нд болно. Уг чуулганы хүрээнд Хэвлэлийн Хүрээлэнгээс санаачлан Монголын сэтгүүлчдийн эвлэл, Монголын телевизүүдийн холбоо, Радио телевизийн академи, Өдөр тутмын сонины холбоо, Сайтуудын холбоотой хамтран “Чөлөөт сэтгүүлзүйн эрх зүйн орчин” сэдвээр зохион байгуулахаар болжээ.

Чуулганаар чөлөөт сэтгүүлзүйн эрх зүйн орчны асуудал, хэвлэл мэдээллийн бизнесийн ил тод байдал, шударга өрсөлдөөнийг хэрхэн хангах, сэтгүүлчийн хөдөлмөрийн эрх зүйг орчныг яаж бүрдүүлэх гэх зэрэг Монголын сэтгүүлзүйн салбарт тулгамдаж буй асуудал, эрх зүйн зохицуулалтын боломжит хувилбарыг хот, хөдөөгийн хэвлэл мэдээллийн эзэмшигч, удирдах ажилтнуудын түвшинд хэлэлцэх ажээ.

Б.Цэрэн