Дэлхийн мисс 2013 оны ялагч Миган Ян /Megan Young/. Түүнийг тэргүүн байранд ороод удаагүй байхад нь “ВВС” агентлагийн сэтгүүлч Кристина ярилцлага авсан байна. Шинэхэн “Дэлхийн  мисс”-ийн ярилцлагыг сонирхуулж байна.

.

-Хэр их сэтгэл хөдөлж байна даа?

-Нуулгүй хэлэхэд, эхний 20-т багтсаны дараа манай ээж жоохон л хичээчих, тэгвэл түрүүлэх магадлал тун өндөр байна. Англиар яг англи хүмүүс шиг ярих хэрэгтэй. Ойлгохгүй байсан ч инээмсэглэх хэрэгтэй гэсэн. Тайзан дээр тунаж үлдсэн охидын дунд ээжийнхээ хэлсэн үгийг л сайн санаж зогссон. Шилдэг зургаан гоо бүсгүйг дуудахад Филиппин улс гэж хэлэхэд, баярлахаасаа илүү, нэгхэн алхам гэж өөртөө хэлж байснаа санаж байна.

.

-2013 оны дэлхийн хамгийн сайхан хүүхэн боллоо. Энэ он дуустал гоо сайхны ертөнцөд хэн ч өмнө чинь гишгэж чадахгүй болсонд баяртай байна уу?

-Инээмсэглэл бүхний ард уйтгар гуниг, айдас байсныг хэлээд яахав. “Дэлхийн мисс”-ийн титмийг зүүхэд сайхан ч гэлээ, дараа нь хүндрэл бэрхшээл их тохиолдох болно гэдгийг олон хүн хэлсэн. Одоо би өөрийнхөөрөө ярихыг хүсч байна. Тиймээ титмээ зүүгээд толинд өөрийгөө харахад хэлэхийн аргагүй гоо үзэсгэлэн харагдсан. Би баярлаж байна.

.

-Өөрийгөө танилцуулаач?

-Намайг Миган Ян /Megan Young/ гэдэг. Филиппин улсад зохион байгууллагдсан Гоо бүсгүйн наадмын тэргүүн титмийг зүүснээр “Дэлхийн мисс 2013”-т орох боломжтой болсон. Ариун будда бурханы тааллаар “Дэлхийн мисс” боллоо. Миний аав ээж хоёр хоёулаа багш хүмүүс бий. Би дээрээ хоёр ахтай, айлын отгон охин. Филиппиний их сургуулийн сэтгүүл зүйн ангийг энэ жил төгсөнө. 1990 оны зургадугаар сарын 3-нд төрсөн. Харин та бүхэндээ 63 дахь удаагийн “Дэлхийн мисс” гэж дуудуулах болсондоо тун баяртай байна.

.

-Яагаад бурханы таалал гэж?

-Би Бали арал дээр ирсэн өдрөөсөө эхлэн тогтмол цагт залбирал үйлддэг байсан. Миний өнөөдрийн амжилт бурханы хүсэлтээр гэж бодож байна.

-Хүчтэй өрсөлдөгчийнхөө талаар сэтгэгдлээ хуваалцаач?

-Бүгд. 127 орноос гоо үзэсгэлэн, авъяас чадвараараа нэгт жагссан охид л тэр арал дээр цугларсан байсан. Тиймээс тэр нь илүү, дутуу гэсэн ойлголт байхгүй. Тэмцээний хоёрдугаар байранд Францын гоо бүсгүй, гуравдугаар байранд Ганнын гоо бүсгүйчүүд титэм хүртэх магадлалтай байсан.

.

-Ямар ажил хийхээр төлөвлөж байна?

-Намайг тэмцээнд оролцож байхад Филиппин улсад томоохон үймээн самуун дэгдсэн. Тэрхүү үймээнээс болж олон хүний амь сүйдсэнд одоо хүртэл зүрх минь шимширч байна. Тиймээс амиа алдсан хүмүүсийн гэр бүлд зориулж үндэсний буяны уншлага хийхээр төлөвлөж байгаа. Энэхүү арга хэмжээний дараа “Дэлхийн мисс”-ийн холбооноос гаргасан цагийн хөтөлбөрөөр явах болно.

.

-“Дэлхийн мисс” болгон өөр өөр гэсэн өнгө төрхтэй байдаг. Миган Ян /Megan Young/ бусдаас хэрхэн ялгарах бол?

-Миний бусдаас ялгагдах онцлог “Чин сэтгэлийн халуун инээмсэглэл” байх болно. Дараа жил титмээ өгөх тэр агшин хүртэл би инээмсэглээрээ бусдыг дуулаацуулах болно гэдгээ амлаж байна. Нэг зүйлийг хэлэхэд, 63 дахь удаагийн дэлхийн мисс “Би” гэж хэлэхдээ сэтгэл хангалуун байна.

.

-Титэм зүүх агшинг?

-Нэг үгээр хэлэхэд, нисч байгаа юм шиг мэдрэмж төрүүлж байсан. Би шувуу шиг дүүлэн нисч, зүрх минь хайраар дүүрч байгаа мэт аз жаргалыг өгсөн.

.

-Энэ удаагийн “Дэлхийн мисс” их хатуу ширүүн уур амьсгалд явагдсан?

-Индонезийн шашны үзэлтэнгүүд “Дэлхийн мисс”-ийг их эсэргүүцсэн. Биднийг Бали арал дээр ирэхэд “Дэлхийн мисс” бол учир утгагүй зүйл хэмээн орилолдох охид, бүсгүйчүүд их байсан. Тэдний уур бухимдлаас болж “усны хувцас”-ны үзүүлбэрийг хасах шийдвэрийг гаргасан шүү дээ. Би нэг зүйлийг хэлэхэд, гоо сайханд хөлдүү мөсийг ч гэсэн хайлуулах хүч байдгийг санах хэрэгтэй. “Дэлхийн мисс” бол утга учиргүй зүйл биш. Уйлж буй дэлхийг ариун гараагаа арчих хүчтэйг санах хэрэгтэй ирээдүйн гоо охидууддаа.

.

-Бахархалын тухайд?

-Би одоо олон зүйлээр бахархахыг хүсч байна. Тэгэхдээ энэ ярилцлагын үеэр ганцхан удаа өөрөөрөө бахархахыг хүслээ. Мөрөөдөл бүхэн шатлалаар бий болдог юм байна. Сайн мөрөөдөх юм бол мөрөөдөл хаалганы өмнө хүрээд ирдгийг ухаарах хэрэгтэй. Мөрөөдөл шашин хоёр, яг л ээж хүү хоёр шиг төгс зохисдогийг санах учиртай.

.

-Ирээдүйн гоо сайхны бэлэг тэмдэг болсон охидуудад юу гэж хэлэхийг хүсч байна?

-Бодолтой ухаанаар хүн амжилтад хүрдэг. Хамгийн эхлээд биеэ бэлд, дараа нь толгойгоо бэлд. Би хөөрхөн хоосон толгойтой охидууд олон болохыг хүсэхгүй байна.

.

-Гоо сайхан, цэцэн ухаанаа олон хүнд бэлэглээрэй. Өнөөдөр бэлэг гэдгийг санаарай?

-Намайг “Дэлхийн мисс” хэмээн баталгаажуулахад тусалсан “ВВС” агентлагт баярласнаа илэрхийлье. Зорилгодоо хүрэхийн тулд мөрөөд гэдгийг хэлье.

.

-Жүжигчин гэсэн?

-Үгүй дээ. Би ганцхан киноны туслах дүрд тоглож байсан. Филиппинд хүмүүс тэр киногоор минь илүү таних байх. Харин загварынхан бол намайг хаанаас ч харсан танина гэж бодож байна. Би 10 наснаасаа эхлээд загвар өмсч, 100 гаруй сэтгүүлд зургаа авахуулж байсан. Тиймээс багаасаа холбогдсон учраас намайг филиппинчүүд фото моделиор таних байх.

.

Б.Дэлгэрцэцэг