Дэлхийн анхны тээгч эхийн үйлдвэр Энэтхэгийн Гужарат мужийн Ананд хотод нээлтээ энэ сарын 4-нд хийсэн байна. Уг үйлдвэрийг бусад улсын баян, хүүхэдгүй гэр бүлд зориулж хүүхэд ”үйлдвэрлэх” зорилгоор нээгджээ. Мэдээж энэ бизнесийн цаана асар их хэмжээний мөнгө яригдаж байгаа. Тээсэн хүүхэд бүрийнхээ төлөө тээгч эх 8000 орчим ам.доллар авах юм байна. Харин зуучлагч үйлдвэрт баян “эцэг эхчүүд” 28 мянган ам.доллараар ирээдүйн хүүхдээ захиалах ажээ.

Энэхүү тээгч эхийн үйлдвэрт 16-39 насны 1000 гаруй эмэгтэй ажиллаж байгаа гэнэ. Үйлдвэрийн захирал “бид ихэвчлэн хагас өнчин, ар гэрийн боломж муутай, хамгийн гол нь царайлаг эмэгтэйчүүдийг сонгосон байгаа, захиалагч нар хүүхдээ царай муутай төрнө гэж айх хэрэггүй” гэж ярьсан байна.

Б.Дэлгэрцэцэг