ОХУ-ын Алс дорнодын бүс нутагт байгалийн гамшгийн улмаас их хэмжээний хохирол учирсантай холбоотойгоор Монгол Улсын Засгийн газраас 50 мянган ам.долларын буцалтгүй тусламж үзүүлэхээр шийдвэрлэсэн юм. Энэхүү тусламжийг ОХУ-аас Монгол улсад суугаа онц бөгөөд бүрэн эрхэт Элчин сайд В.В.Самойленкод гардуулах ёслол өнөөдөр Монгол Улсын шадар сайд Д.Тэрбишдагвын өрөөнд боллоо.

6

Уулзалтын эхэнд Шадар сайд Д.Тэрбишдагва  Элчин сайд В.В.Самойленкод хандан “Өнгөрөгч долдугаар сард ОХУ-ын алс Дорнодын бүс нутагт их хэмжээний бороо орж, үер буусны улмаас 150 хот суурин газар, 135 мянган айл өрх их хэмжээний хохирол учирсан. Тиймээс мөнхийн хөрш ОХУ-ын ард түмэнд туслах шийдвэрийг Монгол Улсын Засгаас шийдвэрлэсэн юм.  Энэхүү шийдвэрийг биелүүлэх хүндтэй үүрэг хүлээж байгаадаа баяртай байна” гэлээ.

6

Харинй элчин сайд В.В.Самойленко хэлэхдээ “Манай улсын Алс Дорнодын хэсэгт учирсан байгалын гамшгийг арилгахад тусламж үзүүлэх шийдвэр гаргасан Монгол Улсын Засгийн газарт талархал илэрхийлж байна.   Урьдчилан тааварлахын аргагүй байгалийн гамшгийн хор хохирол маш их байна. Аз болоход нэг ч хүн амь насаа алдаагүй, манай аврагчид маш шуурхай хариуцлагтай ажиллаж чадсан. Та бүхний үзүүлж буй энэхүү хүмүүнлэгийн туслалцааг ОХУ-ыйн Засгийн газартаа шуурхай мэдээлэх болно” гэв.

6

Шадар сайд Д.Тэрбишдагва энэхүү уулзалтын дараа багахан тайлбар хийсэн. Тэрбээр хэлэхдээ “Байгалийн гамшигийн улмаас ихээхэн хэмжээний хохирол учирсан ОХУ-ын Алс Дорнодын нутагт суугаа ард иргэдэд өөрсдийн чадлын хэмжээгээр тус ламжийн гараа сунгах шийдвэрийг Засгийн газраас шийдвэрлэсэн. Энэхүү тусламж нь манай хоёр орны хооронд байдаг түүхэн уламжлалт харилцааг сэргээж байгаа хэрэг юм. ОХУ-аас өмнө нь дайны жилүүдэд бидэнд танк, зэр зэвсгээр тусламж үзүүлж байсныг мартаж болохгүй. Энэ  мөнхийн найрамдалт хөршүүдийн хооронд байх харилцан туслалцаа гэж ойлгож болно” гэсэн юм.

П.Наран