Хятадын дээд шүүхээс улстөрч Бо Силайг давж заалдахыг зөвшөөрсөн хэмээн “ВВС” агентлаг мэдээллээ. Чонгин мужийн намын хорооны дарга асан Бо Силайд шүүхээс 20.4 сая юанийн хээл хахууль авсан хэргээр бүх насаар нь хорих ял, таван сая юань шамшигдуулсан хэргээр 15 жилийн ял, эрх мэдлээ хэтрүүлэн ашигласан гэж долоон жилийн ял оноосон юм. Түүний ялыг өнгөрсөн сараас эхлэн, улс төрийн хоригдлуудыг хорьдог “Ваву” хорих ангид ялыг нь эдлүүлж байгаа юм.

Өнгөрсөн сард болсон шүүх хурлын үеэр Бо Силай бүх нотолгоог үгүйсгэж, давж заалдахыг удаа дараа шаардсан ч хэрэгсгүй болгож байсан билээ. Жинан мужийн Дээд шүүхээс улстөрчийг давж заалдахыг зөвшөөрсөн талаар вэбсайт дээрээ бичжээ. Гэхдээ вэбсайт дээр гарсан товчхон мэдэгдэлд давж заалдах хугацааг заагаагүй байгаа аж. Олон улсын зүгээс улстөрч асан Бо Силайд энэ байдлаараа сулагдах магадлал тун өндөр байна гэж үзэж байгаа юм.

Б.Дэлгэрцэцэг