Боловсрол, шинжлэх ухааны яамнаас энэ хичээлийн жилээс эхлэн сурагчдын амралтын хуваарьт өөрчлөлт оруулж байна. Үүний дагуу бага ангийн сурагчдын I улирлын амралт аравдугаар сарын 25-наас эхлэн 14 хоног амрах юм. Харин дунд, ахлах ангийн сурагчид арваннэгдүгээр сарын 01-нээс эхлэн долоо хоног амрах аж. Тэгвэл II улирлын амралтыг бага ангийн сурагчид дөрвөн долоо хоног, дунд анги гурван долоо хоног, ахлах ангийнхан хоёр долоо хоног байхаар зохицуулжээ. Ингэхдээ хүйтний эрч чангардаг нэгдүгээр сарын эхээр бага ангийн сурагчдын амралт эхлэх юм байна. Д.Цэцэг