Орон сууцны эрэлт талыг дэмжсэн урт хугацааны, бага хүүтэй ипотекийн зээл барилгын  компаниудад дэмжлэг үзүүлж байгаа санхүүгийн механизм юм. Худалдан авах чадварыг дэмжиж эрэлтийг нэмэгдүүлэх нь нийлүүлэлтийг ч хөшүүрэгдэх чухал хүчин зүйл болох нь найман хувийн хүүтэй зээл хэрэгжсэн саруудад харагдсан.

6

Гэхдээ нийлүүлэлтээсээ давсан эрэлт хэрэгцээ бага талбайтай хуучин орон сууцны үнийг хөөрөгдсөн. Үүний шалтгааныг хэдэн талаас нь янз бүрээр тайлбарлаж байгаа хэдий барилгын материалын үнэ ямар ч нөлөө үзүүлээгүй гэдгийг албаныхан хэлээд байгаа. Төр засаг, хувийн хэвшил, олон нийтийн байгууллагууд хамтран барилгын ажлыг эрхлэж явуулахад хүндрэл чирэгдэл үүсгэж байсан зарим дүрэм журмуудыг хүчингүй болгосон нь барилгын салбарт бас нэг дэмжлэг болсныг мөн онцлоод байгаа.

6

Цаашид барилгын салбарын хөгжил, ялангуяа нийлүүлэлт талыг дэмжих төрийн бодлого шаардлагатай. Үүний тулд газартай холбоотой асуудлыг цэгцлэх нь зүйтэй.  Мөн зах зээлийн эрэлт хэрэгцээг хангах байршилтай, дэд бүтцийг шийдсэн газрыг тодорхой нөхцөл болзолтойгоор зах зээлд нийлүүлэх эрх зүйн орчинг бүрдүүлэх нь бага дунд орлоготой иргэдийн төлбөрийн чадварт нийцэх орон сууцны нийлүүлэлтийг нэмэгдүүлэхэд ихээхэн нэмэр болох нь дамжиггүй.

Ц.Зол