Гахайн маханд химийн хорт бодис хийсэн түшмэд, бизнесмен, фермийн эзэд зэрэг зуу гаруй хүнийг бүх насаар нь шоронд хорихоос эхлээд зохих шийтгэлийг БНХАУ-ын шүүх тогтоосон байна. Энэ тухай бямба гаригт Синьхуа агентлаг уламжилжээ. Дэлгүүрийн лангуун дээр зарж байсан гахайн махнаас амьтны булчингийн махыг нэмэгдүүлдэг кленбутерон гэдэг химийн бодисыг илрүүлсэн энэ оны 3-р сараас эхлээд Хятад улсад хүнсний томоохон маргаан үүссэн юм. Агентлагын мэдээлснээр мөрдөн байцаалтын явцад 113 хүн шийтгэл хүлээсэн ба тэдний 70 гаруй нь төрийн байгууллагын төлөөлөгчид байжээ.  Кленбутерон үйлдвэрлэдэг газрын эзэн Люй Сянийг хамгийн хатуугаар шийтгэхээр болсон ба хоёр жилийн дараа цаазлах юм. Хэрэв хоёр жилийн хугацаанд биеэ сайн авч явбал цаазын ялыг бүх насаар нь хорих ялаар сольж болох юм.