ОХУ-ын нийслэл Москва хотод цагаачдыг эсэргүүцэгчид жагсаал хийж, эцэстээ мөргөлдөөн болон хувирлаа. Жагсагчид дэлгүүрүүдийн цонх, шилэн хаалгыг хагалж танхайраад зогсохгүй, бараа бүтээгдэхүүний агуулах руу халджээ. Тэнд байсан жагсагчид цагдаа нартай мөргөлдөж, 10 гаруй иргэн хүндээр гэмтэж эмнэлэгт хүргэгдсэн тухай “ВВС” агентлаг мэдээллээ.

Жагсаал хийх болсон гол шалтгаан нь өдөрт хэдэн мянгаараа орж ирдэг цагаачдыг оршин суухыг эсэргүүцэж байгаа аж. Орос улсад сүүлийн 20 жилийн дотор цагаачдад зориулсан хотууд бий болж байгаа нь тэднийг өөгшүүлж байна. Цагаачдаас үүдэлтэй дээрэм, хүчин, хүн амины хэргийн гаралт огцом өссөн учраас Засгийн газрыг яаралтай арга хэмжээ авахыг жагсагчид шаардаж байгаа гэнэ. Эмх замбараагүй байдлыг үүсгэсэн зохион байгуулагчдыг хуулийн дагуу хариуцлага хүлээлгэнэ гэж Москва хотын дарга Сергей Собянины мэдэгджээ.

Б.Дэлгэрцэцэг