“Apple”-ийн шинэ  оффис Пентагоныхоос хоёр дахин том байх гэнэ. Стив Жобсын олон санаа орсон тус барилга 250 мянган кв.м талбайтай байх аж. Дөрвөн давхар барилгад  шинжлэх ухааны лаборатороос гадна спортын заал, хэд хэдэн зоогийн газар, хурал, хэвлэлийн хурал зохион байгуулах томоохон танхимууд, хүлээн авалтын заал,  газар доороо машины гараажтай.  Гурван жилийн дараа баригдаж дуусах оффис 12 мянган ажилтны багтаамжтай. Гадна талаасаа асар том сансрын хөлгийг санагдуулам цагариг хэлбэртэй.

“Apple”-ийн одоогийн оффис 2,8 мянган хүний багтаамжтай ч хэдэн мянган хүн ажиллаж байгаа. Стив Жобс компанийнхаа шинэ барилгын төслийг  амьд сэрүүндээ танилцуулж байлаа.

Д.Од