Бүгд Найрамдах Польш Улсын Ерөнхийлөгч Бронислав Коморовский Монгол Улсад өнөөдөр ажлын айлчлал хийж буй билээ. Энэ үеэр Уул уурхайн сайд Д.Ганхуяг, Бүгд найрамдах Польш Улсын Эдийн засгийн сайд Януш Пихочинский нар Уул уурхай болон уул уурхайн машин, тоног төхөөрөмжийн салбарт хамтран ажиллах тунхаг бичигт гарын үсэг зурсан байна.

Монгол Улс Польш Улстай эдийн засгийн хамтын ажиллагааг цаашид өргөжүүлэн хөгжүүлэхээр болсон. Ялангуяа уул уурхайн салбарыг хөгжүүлэх болон уул уурхайн салбарт хэрэглэгддэг машин тоног төхөөрөмжүүдийг шинэчлэх, үйлчилгээ үзүүлэх, өөрөөр хэлбэл техникийн шийдэл боловсруулах, уул уурхайн хөгжилд мэргэжлийн дүн шинжилгээ хийх, боловсон хүчинг сургалтанд хамруулах чиглэлээр хамтран ажиллах юм байна.

А.Жаргал