БНХАУ-ын Чунцин мужийн коммунист намын хорооны дарга асан Бо Силайн давж заалдах шүүх хурал ирэх баасан гарагт товлогдсон байна. Авилга авч, мөнгө шамшигдуулсан хэрэгт шүүхээс бүх насаараа шоронд хоригдох ял сонссон Бо Силайн давж заалдах шүүх хурал Шандуны Ардын дээд шүүхэд болох аж.

Хятадын эрх баригчид Бо Силайн давж заалдах эрхийг зөвшөөрсөн боловч давж заалдах шатны шүүхээс түүний шоронд хорих ялын хэмжээг багасгах найдлага бага байгаа гэнэ. Тус улсын түүхэнд авилгын хэрэгт буруутгагдаж ял сонссон улстөрчдийг давж заалдахыг зөвшөөрсөн тохиолдол маш цөөн байдаг. 2012 онд сайд байсан Вань гэгчид, давж заалдахыг шүүхээс зөвшөөрч байснаас хойш ямар ч улстөрчид давж заалдах боломж олгож байгаагүй аж.

Б.Дэлгэрцэцэг