Монголын статистикийн хорооноос гаргасан дүн мэдээгээр энэ сарын 23-ны байдлаар Улаанбаатар хотын хүнсний зах, дэлгүүрт худалдаалагдаж байгаа хүнсний гол нэрийн бараа, бүтээгдэхүүний үнийг дүнгээр нь өмнөх аравдугаар сарын дундач үнэтэй харьцуулахад 1.1 хувь, өмнөх долоо хоногийнхтой харьцуулахад 1.0 хувиар тус тус өссөн байна. Үхрийн махны үнэ 0.7-0.9 хувиар өссөн бол, хонины мах 0.5-0.9, адууны мах 3.8, ямааны махны үнэ 1.4 хувиар буурсан байна. Өмнөх долоо хоногийн үнэтэй харьцуулахад хонины махны үнэ 0.9-1.8, үхрийн махны үнэ 0.5-1.4 хувиар өссөн байна. Нэг кг хонины /ястай/ махны үнэ дундчаар 4113 төгрөг, үхрийн мах /ястай/ 4713, ямааны мах 3220, адууны мах 3500, хонины цул мах 4233, үхрийн цул мах 5288 төгрөгийн үнэтэй худалдаалагдаж байна.