Гаалийн ажилтнуудад  “Нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль”-ийн тухай сургалтыг энэ сарын 25-ны өдөр Авлигатай тэмцэх газар/АТГ/-ын Урьдчилан сэргийлэх, соён гэгээрүүлэх хэлтсийн ахлах ажилтан н.Мөнхжаргал зохион байгуулжээ. Гаалийн Ерөнхий газрын урилгаар явагдсан тус сургалтаар  албан хаагчдад дээрх хуулийн талаар дэлгэрэнгүй мэдээлэл өгч, ойлголтын зөрүүтэй зарим зүйлд хариулт өгсөн байна.

“Нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль”-ийн тухай сургалтыг биет болон цахим материалаар DVD бэлтгэн хувилж, нийт гаалийн газар хороод болон хилийн боомтод ажиллаж байгаа гаалийн ажилтнуудад тараан, уг зөрчлөөс урьдчилан сэргийлэх видео сургалт зохион байгуулах аж. Хоёр байгууллагын хамтын ажиллагаа уламжлал болсон бөгөөд цаашид авилгаас урьдчилан сэргийлэх, соён гэгээрүүлэх сургалт үргэлжлэх юм байна.

А.Жаргал