Форд концернийн “Ford Focus” дэлхийд хамгийн их худалдаалагддаг загвараар шалгарчээ. Энэ оны эхний хагас жилийн үзүүлэлтээр ч мөн худалдан авагчид энэ машины төлөө харамгүй  сонголт хийсэн гэнэ. Өөрөөр хэлбэл “Ford Focus” эхний зургаан сарын байдлаар 589 809 ширхэг зарагджээ. Энэхүү үзүүлэлт өнгөрсөн жилийнхээс 20 хувь илүү байгаа юм.

Ялангуяа Азийн хэрэглэгчдийн таашаалыг ихээхэн хүртдэг уг машиныг Өмнөд Ази, Хятадад ихээхэн сонирхдог аж. Зөвхөн Хятадад 202 380 машин зарагджээ.

Харин “JATO Dynamics” компанийн гаргасан илтгэлд Европчуудын хамгийн их таашаадаг машин нь “Volkswagen Golf” болохыг дурдсан байна. Европт “Volkswagen Golf”-ны дараах хүчтэй өрсөлдөгч нь  “Ford Fiesta”,  “Peugeot” машин ордог аж.

Д.Од