АНУ-ын Үндэсний аюулгүй байдлын агентлаг “NSA” сарын дотор Испани дахь 60 сая хүний утасны яриаг чагнасан тухай “АР” агентлаг мэдээлэв. “NSA”-ийн экс ажилтан Эдвард Сноудений задруулсан нууц материал дотор энэ мэдээлэл багтжээ.

Сноудений задруулсан нууц материалыг “Guardian” сонинд нийтэлж байсан сэтгүүлч Гленн Гринва тус мэдээллийг өчигдөр нийтэд ил болгожээ. Испанид амьдарч байгаа 60 сая гаруй иргэний яриаг өнгөрсөн дөрөвдүгээр сард чагнасан нь үнэн гэсэн байна. АНУ-ын тагнуулын албад Испани, Францад олон сая утасны яриаг чагнасан нь ил болсноор Вашингтон хүнд байдалд орсоор байгаа юм.  “NSA” Германы канцлер Ангела Меркелийн гар утсыг бараг арван жилийн турш чагнаж байсан, Ерөнхийлөгч Барак Обама үүнийг мэдээгүй гэсэн нь дуулиан тариад байгаа. Өчигдрөөс эхлэн Европын томоохон орны улстөрчид, гар утснаас татгалзаж эхэлжээ.

Б.Дэлгэрцэцэг