Хойд Солонгосын удирдагч Ким Чен Ун АНУ-ын Ерөнхийлөгч Барак Обамаг шүүмжилжээ. Тэрбээр АНУ өөрийгөө эрх чөлөөний орон хэмээн цээжээ дэлдэж, Хойд Солонгосыг хаагдмал бүдүүлэг орон гэлцдэг. Мөн Хойд улсыг цөмийн зэвсэг хэрэглэсэн, туршсан хэмээн үргэлж дургүйцлээ илэрхийлдэг. Харин АНУ-ын сүүлийн үед иргэдийнхээ яриаг чагнадаг, улстөрчдийн нууц мэдээллийг чагнан тагнадагийг харахад “Баг зүүсэн эрх чөлөөг санагдуулам” байна гэжээ.

Ким Чен Ун, Батлан хамгаалах яамны үйл ажиллагаатай танилцаж байхдаа ийнхүү хэлсэн гэж “ЦТАК” агентлаг уламжилжээ. Агентлагийн мэдээлэлд “Манай агуу удирдагч Ким Чен Ун баг зүүсэн ардчилал эх оронд минь хэрэггүй учир, иргэд минь өнөөгийн амьдралдаа сэтгэл хангалуун байгаасай” хэмээсэн байна.

Б.Дэлгэрцэцэг