АНУ, Герман улсын хооронд аль аль талынхаа засгийн газар болон ард иргэдээ тагнаж чагнахгүй байх гэрээг байгуулсан тухай “ВВС” агентлаг мэдээллээ. Энэхүү хамтарсан гэрээг Германы төв хэвлэл “Франкфурт” сонин эхний нүүрэндээ нийтлэсэн байна.

Тус гэрээ ирэх 2014 оны нэгдүгээр сараас эхлэн  хэрэгжиж эхлэхээр болжээ. Ажилглагчдын үзэж буйгаар хоёр тал ийнхүү тохиролцож чадсан нь Германы төлөөлөгчдийн Вашингтонд хийсэн айлчлалын үр дүн нь эерэг гарсантай холбоотой гэжээ. Өнгөрсөн долоо хоногт Германы канцлер Ангела Меркелийн гадаад бодлогын зөвлөх Кристоф Хойсген тэргүүтэй төлөөлөгчид, АНУ-ын Аюулгүй байдлын агентлагийн зөвлөх Сьюзан Райс, Үндэсний тагнуулын агентлагийн дарга Жеймс Клеппер нартай Вашингтонд нууц уулзалт хийсэн байна. АНУ-ын тагнуулын алба Ангела Меркелийн утасны яриаг 2002 оноос хойш чагнаж байсан гэх баримт мэдээллийн улмаас  Герман, АНУ-ын хооронд таагүй байдал үүсээд байсан юм.

Б.Дэлгэрцэцэг