Монголын залуучуудын холбоо өнгөрсөн 2012 оноос эхлэн хүүхдийн паркийн газрын асуудлыг сөхөж, фэйсбүүк, твиттер цахим мэдээллийн сувгийн хүрээнд “Паркаа аваръя” хөдөлгөөнийг өрнүүлсэн. Энэ хүрээнд олон нийтийн дэмжлэгийг авч, хүүхэд залуучуудад зориулалтаар нь ашиглуулах тухай нийслэлийн захиргаа болон аж ахуйн нэгжүүдэд хүчтэй шахалтыг үзүүлж байсан. Энэхүү шахалтын үр дүнд ч Паркаа аваръя хэлэлцүүлгийг ч зохион байгуулсан юм. Гэвч уг хэлэлцүүлгийн дараа энэхүү хөдөлгөөн намжиж, сураг нь тасраад байсан юм. Харин энэ талаар МЗХ-ны ерөнхийлөгч А.Мөнхбатаас тодруулахад "Паркын газрын асуудал Улсын дээд шүүх дээр байгаа. Удахгүй шүүх хурлын тов гарч асуудлыг нэг тийш шийдэхээр мэдээлэл хийх болно" гэлээ.

П.Наран