Мали улсын Кидалт барьцаалагдаад байсан Францын хоёр сэтгүүлчийг “Аль-Кайда”-гийнхан өшөө авах зорилгоор хөнөөсөн гэдгээ өөрийн вэб хуудсаар мэдээллээ. Мэдэгдэлдээ, Франц, Африкийн цэргүүд Малид явуулсан цэргийн ажиллагааны хариуг барьж байна гэж бичсэн гэж “Сахара Медиа” дамжуулжээ. Лалын шашны зэвсэгт бүлэглэлүүд Малийн төрийн эрхийг булаахаар бослого үймээн дэгдээж эхэлсэнтэй холбоотойгоор Франц болон Африкийн орнууд өнгөрсөн нэгдүгээр сард цэрэг оруулж Малийн Засгийн газрын талд ажиллагаа явуулсан байна. Үүнийг “Аль-Кайда”-гийн Малийн ард түмний эсрэг гэмт хэрэг гэж “Францын Ерөнхийлөгч Франсуа Олланд болон түүний ард түмэн энэ хядлагынхаа төлөөсийг төлөх ёстой. Төлүүлэх ч болно” гэжээ. Амиа алдсан сэтгүүлчид болох 57 настай Гислэйн Дюпон, 58 настай Слауди Верлон нар нь “Radio France International”-ийн сурвалжлагчид байсан байна. Тэднийг өнгөрсөн бямба гаригт Кидал хотын даргаас ярилцлага авах гэж байхад нь барьцаалаад байсан юм.

Б.Дэлгэрцэцэг