Утойя арлын алан хядагч Андерс Брейвикийн эрүүл мэндийн байдлын талаар Норвегийн цагдаагийн газраас хэвлэлийнхэнд мэдээлжээ. Брейвиктэй байнга холбоотой, эрүүл мэндийн байдлыг нь шалгаж байгаа сэтгэлзүйч эмч нар түүний сэтгэцэд өөрчлөлт гарч байгааг ажиглажээ. Тэрбээр нийслэл Осло болон Утойя арал дээр хийсэн аллагаа бүүр түүрхэн санаж ямар учраас хаана байгаагаа ч тайлбарлаж чадахгүй байгаа гэнэ. Эмч нар түүнийг худлаа жүжиглээгүй бөгөөд оюун ухаан нь орон гаран болж сэтгэцийн өвчний анхан шатны шинж тэмдэг ажиглагдаж эхэлж байна хэмээжээ. Энэ мэдээллийг гэмт хэргийн хохирогчдын ар гэрийнхэн хүндээр хүлээж авсан бөгөөд Брейвикийг сэтгэцийн өвчтэй гэдэгт итгэхгүй байгаагаа илэрхийлжээ.