Нийслэлийн ИТХ-ын Тэргүүлэгчдийн 2012 оны 11 дүгээр сарын 13-ны өдрийн 61 дүгээр тогтоолоор Иргэн, Аж ахуйн нэгж байгууллагуудыг эзэмшил, ашиглалтад байгаа газар болон орчны 50 метр хүртэлх нийтийн эзэмшлийн зам талбайд ногоон байгууламж хийх, арчилгаа цэвэрлэгээг хариуцах, өвлийн улиралд байнгын хүн томилж цас, мөсийг тухай бүрд нь арилган, хальтиргаа гулгаа үүсгэлгүйгээр, иргэдийн тав тухтай амьдрах орчин нөхцөлийг бүрдүүлж ажиллахыг үүрэг болгосон.

Үүний дагуу Нийтийн үйлчилгээний Улаанбаатар нэгтгэлээс нийт аж ахуйн нэгжүүдэд дээрх тогтоолыг биелүүлж ажиллахыг анхааруулж мэдэгдэл хүргүүлж байна. Одоогийн байдлаар Энхтайваны өргөн чөлөө дагуу үйл ажиллагаа явуулдаг 300 гаруй аж ахуйн нэгжид мэдэгдэл тараасан бөгөөд цаашид  Их тойруу, Бага тойруу, Нарны зам дагуу аж ахуйн нэгжүүдэд үргэлжлүүлэн тараах юм байна.