Венесуэлийн мисс Габриэла Ислер 2013 оны “Ертөнцийн мисс”-ээр тодорчээ. Москвад болсон тус тэмцээнд дэлхийн 86 оны сайхан бүсгүй өрсөлдсөн билээ. Габриэле 25 настай, 180 сантиметр өндөр. Тэр телевизэд ажилладаг бөгөөд фламенго бүжиглэх дуртай.

1

Габриэла Ислер “Хамгийн чухал ажил үүрэг бол эх хүн болох” гэж мэдэгдлээ. Хоёрдугаар байранд Испаний 23 настай Патрисия Родригес, гуравт Эквадорын 22 настай Констанца Баес оржээ. Дараа нь Бразилийн Жаклин Оливейр, Филиппиний Ариэлла Арида нар удаах байрт бичигджээ.

1

Шигшээ шатанд Коста-Рики, Украин, Хятад, Эквадор, Их Британи, Венесуэль, Доминикан, Пуэрто-Рико, Испани, АНУ, Никарагуа, Энэтхэг, Швейцарь, Бразили, Филиппин, Индонези гэсэн 16 орны сайхан бүсгүйчүүд шалгарсан байна. Харин зохион байгуулагч орон болох Оросын мисс Эльмира Абдразакова финалд ч шалгарсангүй.  "Ертөнцийн мисс" нь тансаг титэм болон 250 мянган ам.долларын бэлэг, шагнал хүртдэг бөгөөд бүтэн жилийн турш "Miss Universe", "Miss Universe Organization"-ы нүүр царай болдог. Энэхүү тэмцээнийг зохион байгуулах эрхийг эзэмшдэг тэрбумтан Дональд Трамп өөрөө биечлэн Москвад хүрэлцэн ирж, шоунд оролцжээ.

1

Б.Дэлгэрцэцэг