Тэрэлжийн таван одтой зочид буудалд очиж үзээгүй хүн Монголд олон. Энгийн иргэд очиж хоноглох нь битгий хэл үүдээр нь шагайлтгүй. Энэхүү тансаг зэрэглэлийн гэх  зочид буудалд Монголын баячууд амралт зугаалга, алжаал ядаргаагаа тайлдаг болсон бөгөөд  “Гацуурт” компанийн Л.Чинбатын эзэмшлийнх гэдгийг мэдэхгүй хүн ховорхон болов уу. Одоогоор тус зочид буудал нь “Гацуурт”-ын Л.Чинбатын охин “Монгол HD” телевизийн захирал Ч.Номингийн “Тэрэлж сүйх” компанийн нэр дээр үйл ажиллагаагаа явуулсаар байгаа гэдгийг албаны эх сурвалж мэдээлсэн. Тэгвэл энэ сарын 2-ны өдөр уг зочид буудлын бассейнд да настай охин унаж амиа алдсан харамсалтай  хэрэг гарчээ.

6

Дэлхийн стандартыг бүрэн хангасан хэмээн сурталчилж, хоногийн нэг сая төгрөгөөр үйлчилдэг хэрнээ уг таван одтой зочид буудалд наад захын аврах хантааз байхгүй байжээ. Дэлхийн стандартаар бол таван одтой зочид буудалд аврагч, эмч ажиллаж байх ёстой гэнэ. Хэрэв аврагч ажиллаж байсан бол ядаж ганц аврах хантааз худалдаж аваад тавьчихсан бол  гурван настай охин аврагдах боломжтой байсныг үгүйсгэхгүй.

6

Тэрхүү эмгэнэлт явдлын талаар дурдахаасаа илүү өдөртөө хэдэн саяын ашиг олдог тус компани таван одтой тансаг зэрэглэлийнхээ зочид буудалд ганц аврагч ажиллуулж яагаад болоогүй юм бэ гэсэн асуултыг тавихад хүргэж байна.

6

Аврагчийн сарын цалин 800 мянга гэвэл нэг нөхрийн ганц өдөр хонох мөнгө биш гэж үү.  Усанд осолдсон охинд наад захын эмнэлгийн анхан шатны үйлчилгээ үзүүлээгүйгээс болж цаг алджээ.  Тус зочид буудалд анхан шатны эмнэлгийн үйлчилгээ үзүүлэх эмч байхгүй байсан гэнэ. Амиа алдсан охины аав, ээжийг тус буудлынхан буруутгаж байгаа гэнэ. Үнэндээ үрээ алдсан тэд өөрсдийгөө хичнээн их харааж байгааг хэлэх аргагүй ч амрагчдынхаа тав тух, аюулгүй байдлыг хангах нь тус зочид буудлынхны хүлээсэн үүрэг. Өндөр үнэтэй үйлчилгээ авч байгаагийнхаа хариуд үйлүүлэгч тэднээс өндөр үүрэг, хариуцлага нэхэх эрхтэй.

6

Н.Ган