Хоёр жилийн өмнө Францын хөлбөмбөгийн “Монако” клубыг худалдан авсан Оросын тэрбумтан Дмитрий Рыболовлев Английн хөлбөмбөгийн “Манчестер Юнайтед”-ыг худалдан авах хүсэлтэй байгаа талаар ярьжээ. Тэр “Челси”-гийн тоглолтыг үзсэнээс хойш энэ спортын улаан фэн болсон гэнэ.

Тэрбумтан “Арав гаруй жилийн өмнө “Челси”-г үзээд, сэтгэл хөдлөлийг зөвхөн хөлбөмбөгөөс харж болох юм байна гэж бодсон. “Монако” бол Францын клуб. Францын бүх юм надад таалагддаг. Энд амьдрахыг хүсдэг байсан ч эхнэр хүсээгүй. Одоо гэрлэлтээ цуцлуулсан болохоор Францад амьдарч байна. “Монако” бол урт удаан сайхан түүхтэй клуб” гэжээ. Тэрбээр дараагийн клубээр “Манчестер Юнайтед”-ыг сонгосноо нуугаагүй байна. “Манчестер Юнайтед”-ыг  Америкийн иргэн Глэйзерийнхэн 2005 онд худалдан авсан. Клуб Алекс Фергюсоны удирдлага дори  20 гаруй жил амжилттай тоглож байгаа.

Д.Од