Манай улсын арьс ширний салбарт 21 жил тасралтгүй амжилттай үйл ажиллагаа явуулж ирсэн үндэсний шилдэг үйлдвэрлэгч  “Дархан Минж” ХХК өнгөрсөн Бямба гарагт томоохон загварын шоу зохион байгууллаа.

.

Тус загварын шоу “Blue Sky Hotel & Tower”-т болсон бөгөөд анхны арьс шир, нэхий эдлэлийн бие даасан шоу гэдгээрээ онцлог болсон юм. Монголчууд эрт дээр үеэс ангийн арьс болон малын гаралтай арьс, шир нэхий эдлэлийг зөвхөн хувцас хийгээд ахуй амьдралдаа хэрэглэж ирсэн түүхтэй. Тэгвэл энэхүү арьс шир, нэхий эдлэлийг өнөөгийн орчин үеийн хэв маяг, загварын төгс шийдлийг хэрхэн оновчтой тусгаж болохыг уг шоугаар “Дархан минж”-ийнхэн харууллаа. Тэдний гаргасан шинэ загваруудын шийдэл үнэхээр нэхий эдлэлийн гайхамшигийг тусгасан зоримог, урлагийн бүтээл гэж хэлж болохуйц харагдаж байсан нь тэнд ирсэн зочдын нүдийг хужирлаж байсан юм. Мөн шоуны тайз засал нь өвлийн хөвсгөр цасны оронд байгаа мэт уур амьсгалыг ирсэн зочидод төрүүлж байсан бөгөөд загварийн үзүүлбэрийн үеэр тайзан дээр цас оруулсан нь шоунд ирсэн зочдын гайхширлыг төрүүлж чадсан шинэлэг санаа байв. Түүнчлэн гэрэлтүүлэг, чимэглэл нь ч онцгой сайхан мэдрэмжийг төрүүл байлаа. Шоунд урлаг соёл, тайз дэлгэцийн шилдэгүүд хүрэлцэн ирж тус компанийн ирэх өвлийн ганган гоёл болсон шилдэг, шинэлэг загваруудыг үзэж танилцан, зарим нь газар дээр нь худалдан авалт хийсэн нь нэхий дээлийг урлагын бүтээл болгож, урдын хэвшмэл сэтгэлгээг халж чадсаныг илтгэж байлаа.

.

Тус компани энэхүү шоугаа жил бүр уламжлал болгон зохион байгуулж, хэрэглэгчиддээ жил бүрийн өвлийн нэхий бүтээгдэхүүний чиг хандлагыг танилцуулж байх юм байна.