ТЕГ-ын Хяналт шалгалтын хэлтсийн даргаар ажиллаж байсан Ч.Гансүхийг үргэлжлүүлэх хорихоор болжээ. Тодруулбал, өчигдөр Нийслэлийн прокурорын газрын хяналтын прокурор Ч.Гансүхийг цагдан хорьж шалгах шаардлагатай гэх дүгнэлтийг гаргажээ. Учир нь Ч.Гансүхийн өмгөөлөгч, ар гэрийнхэн нь түүнийг батлан даалтад гаргах хүсэлтээ Чингэлтэй дүүргийн шүүхэд хүргүүлээд байсан юм. Гэвч шүүх Нийслэлийн прокурорын газраас гаргасан шийдвэрийг харгалзан үзээд мөрдөн байцаалтын ажиллагаанд саад учруулж болзошгүй хэмээн цагдан хорих хугацааг сунгахаар болсон байна.

Б.Одон